山野日本料理 (已結業)

食日本放題，係我同幾個朋友每個月嘅指定約會 ，放題食好多，要搵到一間好味嘅就真係唔易，山嘢同其他一般嘅放題質素差唔多 ，唔係特別差，但真係好一般 ，食完唔會諗住再食過 。食放題最重要就梗係刺身，刺身新唔新鮮、靚唔靚好緊要，呢間嘅刺身真係好一般，同你喺其他餐廳食到嘅差唔多，唔出色，但唔係好差囉。其次最緊要嘅係串燒，串燒嘅味道都係好一般，冇乜記憶點 。其他嘅日本熟食都係冇乜記憶點，如果當係一個聚會嘅時光，絕對可以，因為環境唔會好嘈，幾個朋友傾下計，好享受，唯有將個重點放喺聚會，而唔係食物...