麺屋武蔵 (已結業)

每次去到海港入面都唔知食乜野好，突然經過哩度，覺得應該都幾唔錯，就行入去啦...揀咗一個可以見到維港嘅位置，視野真係好正！！至於服務都ok啦··強烈推介哩度嘅三色大根沙律，講真果句，第一次直接咁食wasabi，不過唔會有特別濃郁嘅wasabi味，淡淡地幾好食嘎。下面喺南瓜同紫薯、紅腰豆仲有鷹嘴豆都係好綿好好食，汁嘅味道都好好。黃金燒比目魚，上面喺滿滿而且好厚嘅醬汁同芝士，下面喺比目魚，肉質都算嫩滑，不過食得多會覺得好漏...上面嘅醬汁略甜。不過日本菜好似都係咁嘅甜味。番茄豚骨麺，湯底喺羅宋湯嘅味道，入面有番茄、薯仔洋蔥，同埋一粒溏心蛋，我自己唔鐘意食番茄同溏心蛋，俾曬我fan食哈哈哈哈，凈喺鐘意個湯底同麺。