影片
更多
2017-02-05
99 瀏覽
還記得小時候代表學校出賽經常都係踢跑馬地 踢完波永遠會去蘭芳茶餐廳食番個菠蘿包凍檸水 可惜蘭芳茶餐廳冇咗之後 一直都搵唔到一間似樣啲有啲感情味嘅餐廳 成條禮頓道嘅餐廳都好商業化 感覺上去咗啲領匯商場 由於已經好耐冇踢波 今次返返嚟跑馬地 好開心有波友介紹咗我去華倫餐廳 呢間餐廳感覺上好似係一間家庭經營嘅小餐廳 人情味好濃 價錢適中 服務員好有禮貌 搞到我踢完波一身汗都唔係幾好意思今朝早三個人食早餐總共100蚊埋單 蛋牛治烘底分量好多 而且鹹牛肉好好食 榨菜肉絲米粉朋友話水準好高 而家出面唔係間間茶餐廳都仲有做榨菜肉絲 仲有一個沙爹牛肉麵 沙爹牛肉好入味 唯一有啲後悔冇加出前一丁 可能自己大個咗對食物有高啲要求 而家食普通公仔麵覺得好悶 以後都會記得叫出前一丁!
今朝早三個人食早餐總共100蚊埋單 蛋牛治烘底分量好多 而且鹹牛肉好好食 榨菜肉絲米粉朋友話水準好高 而家出面唔係間間茶餐廳都仲有做榨菜肉絲 仲有一個沙爹牛肉麵 沙爹牛肉好入味 唯一有啲後悔冇加出前一丁 可能自己大個咗對食物有高啲要求 而家食普通公仔麵覺得好悶 以後都會記得叫出前一丁!
蛋牛治烘底
8 瀏覽
0 讚好
0 留言
沙爹牛肉麵 腸仔蛋多士
6 瀏覽
0 讚好
0 留言
榨菜肉絲米粉配餐肉煎蛋多士
5 瀏覽
0 讚好
0 留言
張貼
