影片
更多
2008-03-27
20 瀏覽
自問甚喜愛吃火煱，所謂好吃其實不外乎用料夠新鮮又靚，服務不太差，地方乾淨，基本上所差無幾。好似本地手切牛肉，很多又咪由街市肉檔每日交貨來(有時自己也會直接買些回家)，但為何仍時常外出吃? 貪其熱鬧氣氛啩…今晚試吓呢間，原因是蘇絲黃曾讚到它頂呱呱，即管睇吓係咪咁好。三人訂了位，被安排於一卡座。總覺此等卡座似乎較適合二人世界，因長方枱造得太淺，坐於兩旁基本上沒有太多空位擺放生料，只能放在餐車上，不時要企起身才能挾到。周圍又只得較大的圓枱，冇辦法啦。蘿蔔牛腩湯底: 加了黑胡椒粒，不過不失，惟蘿蔔切得過厚，滾了個半小時仍未腍。初時味道還可以，不過加多兩三次湯之後頓覺成煲湯變鹹，之後更變本加厲，最後直情覺得好鹹唔敢再飲。手切本地牛肉: ($138大)，雙飛切法，未算入口即溶，中間部分有些少「韌」，並不是頸脊部分嗰種口感。It's fine but not great!招牌水餃: ($88八隻)，熟後變得大大隻，一隻餃內有三四隻蝦，但甚少木耳絲或筍絲，感覺上和吃鮮蝦雲吞沒有太大分別。餐牌上餃類選擇不太多(魚皮餃欠奉)，最後encore 來多半份四隻($48)。雜菜籃: 雖然簡簡單單只有五種蔬菜(唐
今晚試吓呢間，原因是蘇絲黃曾讚到它頂呱呱，即管睇吓係咪咁好。三人訂了位，被安排於一卡座。總覺此等卡座似乎較適合二人世界，因長方枱造得太淺，坐於兩旁基本上沒有太多空位擺放生料，只能放在餐車上，不時要企起身才能挾到。周圍又只得較大的圓枱，冇辦法啦。
蘿蔔牛腩湯底: 加了黑胡椒粒，不過不失，惟蘿蔔切得過厚，滾了個半小時仍未腍。初時味道還可以，不過加多兩三次湯之後頓覺成煲湯變鹹，之後更變本加厲，最後直情覺得好鹹唔敢再飲。
手切本地牛肉: ($138大)，雙飛切法，未算入口即溶，中間部分有些少「韌」，並不是頸脊部分嗰種口感。It's fine but not great!
招牌水餃: ($88八隻)，熟後變得大大隻，一隻餃內有三四隻蝦，但甚少木耳絲或筍絲，感覺上和吃鮮蝦雲吞沒有太大分別。餐牌上餃類選擇不太多(魚皮餃欠奉)，最後encore 來多半份四隻($48)。
雜菜籃: 雖然簡簡單單只有五種蔬菜(唐生菜、娃娃菜、莧菜、金菇、秀珍菇)，賣相可取，值得一讚，為何其它食店未肯跟風? 菜的成本甚便宜啫…
四寶丸: 不合格。鯪魚丸太腍，冇厘魚味，亦冇果皮味。牛肉丸好實，冇任何肉味。蝦丸沒有驚喜，並不彈牙。全部均搓到好細粒，唔抵食。
魚麵個窿位開得好細，好處是耐吃，但要稍用些力去唧。生麵嫌落得太多油去撈，淥完吃只算一般。鱔片則可以。
服務尚算不錯，只是負責我枱之侍應先後多次落力推銷蟶子、海蝦以至活魚，就算我們已講明唔要，點知轉頭又嚟講多次，真係好煩。很多店舖都會sell吓呢啲貴價貨，但落完晒單之後再猛sell都係首次遇到。就算係，唔該你要講得出來自何地、大約有幾重、或者大約的價錢先吖，淨係來來去去只識話好新鮮一句…不過，整體上還是可以的，可能先前期望過高之故。
張貼
