影片
更多
2022-11-07
90 瀏覽
呢間店坐落喺商場嘅角落，所以比較靜，舖頭會播放純音樂，環境氣氛好chill。去到見到大多數人都係叫外賣，店內留有好多堂食位置，好啱放工靜靜地食個飯休息下🤤😌 裏面嘅嘢食喺晚市來講都唔算太貴，唔收+1服務費。D.I.Y.自選menu有好多種類嘅飯同配菜揀，可以按自己嘅喜好自由配搭，仲有專為素食者設計嘅素餐✨🤩我哋當時揀唔落，所直接叫咗兩個套餐，兩個落單加埋等15分鐘就食到啦👍🏻 其中一個係夏威夷四重奏，包括辣味三文魚、吞拿魚、泰式大蝦三種肉類同牛油果。泰式大蝦飽滿多肉，質感爽口彈牙，味道鮮甜😋三文魚吞拿魚嘅份量都好充足，吞拿魚味道不過不失，而三文魚嘅辣味就好突出🌶裏面仲有彩虹沙律，有蕃茄、青瓜同埋甜椒做配菜，整體營養均衡。呢個餐試咗店內招牌嘅黃薑椰菜花加半糙米飯，飯粒偏硬身，平時食開白飯嘅有可能會唔太慣，不過勝在營養價值豐富，適合平時需要控制飲食嘅人✅ 另一個係泰式青檸大蝦飯，有泰式青檸熟蝦同埋蛋黃醬沙律，呢個蝦嘅汁比較特別，而且好大份，蛋黃醬沙律都有好多菠蘿、青瓜等等嘅配菜。呢個餐淨係配咗黃薑椰菜花飯，同配菜嘅味道幾夾😙 套餐仲包埋味噌湯同甜品，喺食飯前後飲碗熱騰騰嘅湯暖下個胃，再
裏面嘅嘢食喺晚市來講都唔算太貴，唔收+1服務費。D.I.Y.自選menu有好多種類嘅飯同配菜揀，可以按自己嘅喜好自由配搭，仲有專為素食者設計嘅素餐✨🤩我哋當時揀唔落，所直接叫咗兩個套餐，兩個落單加埋等15分鐘就食到啦👍🏻
其中一個係夏威夷四重奏，包括辣味三文魚、吞拿魚、泰式大蝦三種肉類同牛油果。泰式大蝦飽滿多肉，質感爽口彈牙，味道鮮甜😋三文魚吞拿魚嘅份量都好充足，吞拿魚味道不過不失，而三文魚嘅辣味就好突出🌶裏面仲有彩虹沙律，有蕃茄、青瓜同埋甜椒做配菜，整體營養均衡。呢個餐試咗店內招牌嘅黃薑椰菜花加半糙米飯，飯粒偏硬身，平時食開白飯嘅有可能會唔太慣，不過勝在營養價值豐富，適合平時需要控制飲食嘅人✅
另一個係泰式青檸大蝦飯，有泰式青檸熟蝦同埋蛋黃醬沙律，呢個蝦嘅汁比較特別，而且好大份，蛋黃醬沙律都有好多菠蘿、青瓜等等嘅配菜。呢個餐淨係配咗黃薑椰菜花飯，同配菜嘅味道幾夾😙 套餐仲包埋味噌湯同甜品，喺食飯前後飲碗熱騰騰嘅湯暖下個胃，再食埋個橙味啫喱，無論胃口大定細都可以食到飽😝
張貼
