影片
更多
2017-05-22
1002 瀏覽
星期日晚喺九龍城唱完K，梗係順便去食泰國茶喇！平時嚟九龍城食泰國菜多數食小曼谷或者䧂伯耶，今次就由朋友介紹第一次試隆姐！一行4人咁啱有位唔洗等，見有好多枱客都幾full，而且成間店嘅職員都講泰文，感覺好正宗啊！叫咗馬拉盞炒通菜、炒金邊粉、泰式炸蝦餅、雞肉併豬肉燒烤串、蒜蓉飽同埋一人一杯泰式飲品！（1）馬拉盞炒通菜落咗單5分鐘都無個菜就嚟咗喇！比想像中細碟，幾入味，唔算好辣！（2）炒金邊粉金邊粉賣相唔錯，雖然有小小酸，但都幾香，味道就中規中矩，分量OK，無碟菜咁細碟。（3）泰式炸蝦餅咁多樣菜式入面我最滿意呢個炸蝦餅！佢有5大件每件幫你切開咗一半，細細件方便擺入口！點埋泰式辣醬一齊食，外脆內軟好彈牙，蝦味好出，唔會太油仲好香！（4）雞肉併豬肉燒烤串一共6串，雞肉豬肉各3串。串燒燒得幾好，一啲都唔燶！雞肉質地幾滑咬落唔乾身，不過沙爹醬好浠，味道太淡，食落好似有小小花生粒，個人覺得個沙爹醬可以再濃稠啲！（5）蒜蓉包一共4件，有手掌咁大件之餘夠厚身！咬落都幾脆唔硬，入口好鬆軟，蒜蓉好足料好香！（6）黑珍珠龍眼冰一人一杯泰式飲品我揀咗黑珍珠龍眼冰，好大杯、好足料！好多龍眼肉，黑珍珠幾爽口。如果甜度
一行4人咁啱有位唔洗等，見有好多枱客都幾full，而且成間店嘅職員都講泰文，感覺好正宗啊！叫咗馬拉盞炒通菜、炒金邊粉、泰式炸蝦餅、雞肉併豬肉燒烤串、蒜蓉飽同埋一人一杯泰式飲品！
（1）馬拉盞炒通菜
落咗單5分鐘都無個菜就嚟咗喇！比想像中細碟，幾入味，唔算好辣！
（2）炒金邊粉
金邊粉賣相唔錯，雖然有小小酸，但都幾香，味道就中規中矩，分量OK，無碟菜咁細碟。
（3）泰式炸蝦餅
咁多樣菜式入面我最滿意呢個炸蝦餅！佢有5大件每件幫你切開咗一半，細細件方便擺入口！點埋泰式辣醬一齊食，外脆內軟好彈牙，蝦味好出，唔會太油仲好香！
（4）雞肉併豬肉燒烤串
一共6串，雞肉豬肉各3串。串燒燒得幾好，一啲都唔燶！雞肉質地幾滑咬落唔乾身，不過沙爹醬好浠，味道太淡，食落好似有小小花生粒，個人覺得個沙爹醬可以再濃稠啲！
（5）蒜蓉包
一共4件，有手掌咁大件之餘夠厚身！咬落都幾脆唔硬，入口好鬆軟，蒜蓉好足料好香！
（6）黑珍珠龍眼冰
一人一杯泰式飲品我揀咗黑珍珠龍眼冰，好大杯、好足料！好多龍眼肉，黑珍珠幾爽口。如果甜度可以減番小小就好喇！
4個人埋單每人都係$87好抵食，有機會可以Encore再食！
馬拉盞炒通菜
21 瀏覽
0 讚好
0 留言
炒金邊炒
38 瀏覽
0 讚好
0 留言
黑珍珠龍眼冰
34 瀏覽
0 讚好
0 留言
雞肉併豬肉串燒
20 瀏覽
0 讚好
0 留言
泰式炸蝦餅
39 瀏覽
0 讚好
0 留言
蒜蓉包
51 瀏覽
0 讚好
0 留言
張貼
