唯有轉場食其他嘢，近近地去荃灣廣場附近食，經過平日都要排隊的「秘」
今日難得不用排隊，所以就入去一試。
以食板燒吉列牛來講，佢收費唔算貴
板燒吉列牛$118
點左餐之後基本上唔洗點等，因為啲嘢食一早已經預備好，淨係擺盤就可以拎出嚟比客
加左$38 轉定食
所以有湯＆飯素飯＆溏心蛋
湯係非常之清淡，也喝不出有蘿蔔味，都唔清甜
飯素又係無咩特別，飯素都係日式超市買開個啲味，飯係用珍珠米，軟硬適中，不會太濕，飽滿，粒粒分明，但無飯香
楓糖流心蛋，都係無咩特別，無蛋味，無甜味，我仲食到有少少腥味？但同行友人則不覺
吉列牛如圖所示，切好一片比你自己燒
自己控制唔燒太耐就可以燒到唔韌
色澤紅潤，油脂分報得都均勻，燒香之後啲油花剛好
但就有少少筋，同埋肉無咩牛味
外層係薄薄的麵包糠無特別調味，煎完有少少脆
另外再點左個鍋物
燒牛肉野菜鍋＄98
2
燒牛肉野菜鍋就好普通，無轉定食但都有跟飯
牛肉煮到好淋，差唔多入口即化
同上一樣都無咩牛味，而且脂肪比例太高，太肥
配料都多款，有金菇，菜，芋絲同蘿蔔
所有配料都唔入味，蘿蔔唔清甜仲要有渣
湯底最ＣＰ值最高，好重牛味，又唔會好咸
配餐的飯同上，只係無左飯素
所以最後加左啲飯入湯做成湯飯，都係一個唔錯的食法
兩個餐都有附一碟小醬汁，鹹鹹地杰杰地，
板燒吉列牛可不點佢，但牛鍋唔點佢就無咩味。
最後仲追加左個小食-脆炸蝦波
$48
2
一口size，外皮唔算得上脆，口感偏硬，有啲漿口痴牙
應該用天婦羅炸粉？但濕左先炸？
醬汁直接淋上炸蝦波面，有點影響脆度，
建議可另上，咁客人就可自己決定點幾多
醬汁係偏甜但帶有少少辣味
食落有啲似蜜糖芥末醬，質地就係千島醬質地
脆炸蝦球幾彈牙，有蝦味
總括，吉列牛石板燒可再試，其他就免了，可以唔轉餐都得，因為無咩特別
其他石板燒系列可選
仲有啲飯類同小食
成餐飯雖然都係燒呀，鍋呀，但油煙唔算太勁，起碼個身無咩味
