賀喜 (美孚新邨) (已結業)

今日又是一個特別日子，班暴民又在金鐘一帶搞事，嚴重影響市民，晚上金鐘站更要被封。幸好，我哋準時收工，立即趕回九龍，否則就麻煩。逃過呢劫，朋友話去食日本嘢，佢請。今勻真係可喜可賀喇!餐廳位於美孚，好近地鐵站，好易搵的。晚市時間，附近很多街坊都會來這裡晚餐。店員推介限令超值的【北海道原條白象拔蚌刺身拼盤】，原價$398，特價$198，非常吸引，便點了一客。另外，我們多點了一個【大阪蛋包飯配賀喜招牌卷三本】定食和一客【鹽燒油甘魚頭】。【北海道原條白象拔蚌刺身拼盤】店員沒有介紹錯，這個刺身拼盤賣相非常吸引，內裡有5款刺身，分別係象拔蚌、帶子、甜蝦、油甘魚腩和三文魚，一睇就知非常新鮮。象蚌拔食落超爽又有少少彈牙口感，味道鮮。三文魚和油甘魚腩係大大件厚切，絕對滿足到我哋兩個魚生愛好者。至於甜蝦和帶子的質素亦有番咁上下。整體而言用$198 去食呢個刺身拼盤係好抵。【大阪蛋包飯】外層煎蛋包沒有煎老，依然香軟充滿蛋香。內裡包著的是牛肉粒炒蛋。蛋包飯上面淋咗個好特別的汁料，味道有點似是酸梅味，令人食落好開胃。【賀喜招牌卷】原來係大大件的鰻魚壽司，裡面的材料還有雞蛋、牛油果、蟹籽等等。配搭得很不錯。【鹽燒油