麥當勞 (已結業)

今朝去左呢間麥當勞買早餐返公司食，實在忍無可忍，決定註冊做會員劣評佢！我幫襯呢間麥當勞既次數不多於5次，但係居然找錯3次錢之多！第一次，我係報紙見到$5 coupon咁抵先去幫襯既。因為就黎遲到，所以拿拿聲將找返黎既錢擠入褲袋，返到公司先拎返出黎放入銀包。此時，我先發現賴野...我叫既「豬柳蛋漢堡早餐」價值$18.3，用左$5 coupon應該係$13.3。我俾左$100，理應找返$86.7，但係我數黎數去，都係得$56.7。找少$30也未免離譜得濟卦？都未夠，打開紙袋後更發現佢俾果個係「豬柳漢堡」黎！換言之，我用左$43.3買左個無蛋既「豬柳蛋漢堡早餐」！我當時諗「只好怪自己無check清楚啦！」（欲哭無淚）今日，我又用左$50.3去買$18.3既「豬柳蛋漢堡早餐」，點知又找得$22俾我（少左$10），好彩今次發現得早，追得返！不過今次食完無耐，個肚勁痛...關事與否，讀者自行定奪！呢間麥當勞既服務效率高與低對我來講已經唔重要，重要既係誠信問題。找錯錢，1次2次都算喇，已經係第3次，真係令人火滾！所以我才會用這麼大的篇幅評一間快餐店！幫襯呢間野，會有60%既機會率遇上「找少錢」，我諗