熊小館

營業中

休息中

雖然搬嚟咗觀塘之後好少去九龍灣，但係好多朋友都介紹呢間喺MegaBox嘅餐廳又得意又好食，特別係結咗婚嘅朋友，都話佢哋小朋友好鍾意呢間餐廳，咁啱今日去九龍灣，咁就一於嚟試吓啦。一去到就見到好多小朋友喺度玩得好開心，呢度嘅職都肯同朋友玩，而且呢度好多熊仔公仔，所有大人小朋友都玩得開心。首先我哋就嗌咗個薯條，估唔到咁簡單嘢佢都整得好好食。薯聽嘅價錢好平，但係完全係新鮮即炸，而且茄汁同薯條好襯，小朋友食得好開心。我自己覺得最值得讚嘅就係呢個西班牙飯，雖然我嘅小朋友唔係特別鍾意食西班牙飯，但係佢好願意食，因為佢嘅飯好夠味同埋唔會太硬。而且佢嘅帶子都好大粒，而且食落感覺好新鮮，小朋友願意食就係最開心啦。呢間餐廳又靚又抵食，而且價錢都好平，我哋五個人嚟食埋單都只係三百幾蚊，一陣子係$5 60 ，仲平過茶記呀。有咗小朋友之後，成日都好難諗食咩餐廳，呢間餐廳就係放假嘅不二之選啦。