L'attitude (已結業)

食完晚飯打算食甜品時經過呢間店門外，熱情既店員就比左menu我睇~ 其實之前已經o係網上見過呢舊雲既相咖啦~ 實物都好似好可愛，即時少女心爆發就入左去啦。當時店內大約有兩至三枱客人，餐廳環境裝修都係以白色為主調，坐落都幾放鬆幾舒服。店員馬上送上兩杯暖水比我地。可以飲啖水休息吓先開始睇menu~呢個就係佢既招牌雲仔啦！一舊烏雲上面仲有個閃電添～雪糕就揀左混色，係朱古力＋牛奶味。唔好以為佢淨係得個樣呀～原來內有乾坤咖，食到烏雲棉花糖既底部原來係有爆炸糖咖，營造左o係我口內既閃電效果，夠曬貼題，哈哈。呢個粉紅蓬蓬裙就係雙色雪糕（牛奶＋朱古力）外面圍一層棉花糖，再灑左少少乾果碎。雪糕筒外層圍左塊紙圈，咁溶左既雪糕都唔會滴落水度，細心設計加分店員既服務態度值得一讚，當見到我隻手比棉花糖整到痴笠笠時馬上為我送上濕紙巾　見到我同呢個毛公仔影相又擔張櫈仔比我坐o係佢隔離影。好細心留意客人需要