CANELE (裝修中)

可愛嘅名字，加上餐牌設計一眼就認得靈感係嚟自拼貼大師Mondrian，絕對係一間令人第一眼就有印象嘅餐廳。沿住扶手電梯嚟到Soho區士丹頓街，corner位置變成一間醒目嘅🇫🇷法式小餐館Canelé。位置剛好又方便，樓下係open bar 與樓上亦有用餐位置，清涼天氣亦可以到室外balcony用餐，感覺更似一趟悠閒小旅行。晚上嚟到室外位置都坐滿了，坐到室內用餐正對著open kitchen，偶爾可以欣賞到厨師嘅製作過程。Dinner menu相當簡單，有US black angus sirloin 及Boston marine lobster 兩款main。貫徹法國人對麵包果然係熱情洋溢，麵包部份亦不假外求，前菜係homemade sourdough，真心欣賞餐廳能有出品自家製麵包配自家調配嘅紫菜牛油，小小點綴足夠lighten-up整個體驗（可能我太看重餐前麵包lol）。前菜沙律簡單到位，調味加少少walnut碎令口感同味道都很好。主角美國黑安格斯西冷牛扒，4成熟掌握得好，紋理分明肉嫩細緻；至於朋友點嘅美國波士頓緬因州龍蝦，淺淺一嚐，口感好嫩滑彈牙，調味適中食到龍蝦最原始嘅海鮮咸香。