影片
更多
2023-12-21
20 瀏覽
最近非常火熱既CareBears真係去到邊都見到, 超可愛10色小熊主角亦同依間餐廳聯乘推出CareBears菜式甜品等等, 我地平日去已見每張枱都坐滿, 好在黎到立即有座位我朋友好鍾意CareBears, 淨係睇餐牌入面既食物相已經好開心, 所以我地都叫哂一齊打卡一齊食, 點完餐後店員即刻送上前菜酸蘿蔔同辣魚糕片, 開左個胃啱啱好啲野食就黎啦!愛心傳播飯卷七彩色紫菜飯卷放係木盤上好精美, 入面捲左雞蛋, 紅蘿蔔絲, 青瓜絲同日本黃蘿蔔, 飯卷咬一口完全無散開, 口感帶少許煙刃, 同埋食落麻油香慢慢滲出, 開胃得黎幾好味, 食唔停口!熊仔頭螄蚶拌飯平時食有血既螄蚶就食得多, 估唔到辣醬拌勻既螄蚶都OK喎, 小熊樣既泡菜炒飯夠哂辣之餘, 後勁幾強, 再配埋螄蚶肉帶少少芝麻香咁食都幾過癮, 好似食緊蜆肉炒飯咁, 旁邊有三隻以蔥蒜調味而成既鮮大蝦, 食落爽口彈牙濟州柑橘乳酪 本身我就係愛橙之人, 所以柑橘都係我至愛, 混合左益力多乳酸, 飲落清爽鮮甜又開胃, 而且仲解到辣, 此外每杯飲品都會附送一張CareBears既聖誕系列杯墊, 超級可愛呢!Starbuddies 紫薯南瓜冰剩係睇賣相杯
我朋友好鍾意CareBears, 淨係睇餐牌入面既食物相已經好開心, 所以我地都叫哂一齊打卡一齊食, 點完餐後店員即刻送上前菜酸蘿蔔同辣魚糕片, 開左個胃啱啱好啲野食就黎啦!
愛心傳播飯卷
七彩色紫菜飯卷放係木盤上好精美, 入面捲左雞蛋, 紅蘿蔔絲, 青瓜絲同日本黃蘿蔔, 飯卷咬一口完全無散開, 口感帶少許煙刃, 同埋食落麻油香慢慢滲出, 開胃得黎幾好味, 食唔停口!
熊仔頭螄蚶拌飯
平時食有血既螄蚶就食得多, 估唔到辣醬拌勻既螄蚶都OK喎, 小熊樣既泡菜炒飯夠哂辣之餘, 後勁幾強, 再配埋螄蚶肉帶少少芝麻香咁食都幾過癮, 好似食緊蜆肉炒飯咁, 旁邊有三隻以蔥蒜調味而成既鮮大蝦, 食落爽口彈牙
濟州柑橘乳酪
本身我就係愛橙之人, 所以柑橘都係我至愛, 混合左益力多乳酸, 飲落清爽鮮甜又開胃, 而且仲解到辣, 此外每杯飲品都會附送一張CareBears既聖誕系列杯墊, 超級可愛呢!
Starbuddies 紫薯南瓜冰
剩係睇賣相杯野飲顏色已經開心哂, 飲落有齊紫薯同南瓜味, 各自味道慢慢咁湧出黎, 唔會好甜, 味道剛好, 質感比較結身, 所以飲幾啖都有啲飽肚感
Cloudseeker彩雲窩夫
窩夫頂放左件濟州柑橘肉, 食落又甜又清新, 窩夫夾餅中間既彩雲色係忌廉, 睇落以為好膩, 但食落原來幾香滑而且又唔甜, 好似食緊雪糕咁既質感, 不得不讚個窩夫整得好好食, 我地影左陣相放左陣先食, 都仲聞到窩夫個蛋香味好突出, 食落仲有帶少少微脆口感, 一食個蛋香味充斥住係我口中, 真係好好食, 我如果無食正餐真係可以成件食哂, 依度既窩夫值得一試!
Care-a-lot彩虹樂園蛋糕
賣相爆燈既七彩彩虹蛋糕, 連同七彩橡皮糖扮滑涕既造型, 可愛到不得了, 蛋糕既質感就係美式蛋糕既造法, 食落實身啲, 入口比較容易啲碎, 味道唔算好甜, 不過我個人係比較鍾意棉密質感多啲, 所以好睇個人喜歡口味
張貼
