影片
更多
2017-08-20
422 瀏覽
又係旺角，我又選擇左星期六去旺角食下午茶！不過今次揀有貓貓既餐廳！搵到呢間又有正餐食（真係肚餓😂）又有貓玩，最緊要唔限時唔係逐個鐘計錢！食野就無咁趕啦！上到去見到地方幾大，唔係坐地下既，有好多張檯空間好大，本menu成本貓貓既寫真咁😂睇黎主角係果隻禮服貓叫做小小，佢個樣好cool！雖然呢度唔係逐個鐘計，話曬係旺角區總要有低消，午餐 & 下午茶低消一杯飲品，晚飯時段只係低消$60，非常合理！一開始就比岩漿吐司吸引左，不過要忍住先！我地叫左一個意粉，一個燴飯，分別係西西里汁虎蝦仁煮意粉同小龍蝦拿破崙燴飯，呢2碟一黎到，我地都望到呆左，又估唔到幾靚喎，份量仲要唔少！好香呀！虎蝦仁好彈牙，意粉係扁意粉，索曬西西里汁，意粉又煮到啱啱好！燴飯入面既小龍蝦都唔錯，有好多隻，唔使剝殻啖啖肉😋燴飯上面仲輕微燒過，加左翠肉瓜令個飯有啲口感，個飯好多，男仔食都夠飽！野飲我地飲挪威森林貓 & 俄羅斯藍貓，俄羅斯藍貓好吸睛，成杯野藍色係藍石榴，挪威森林貓就係抺茶牛奶上面一大堆忌廉，好邪惡但我鐘意😆奶味好重，如有抺茶味再濃啲就更好喇！不過都好滿足！輪到貓仔喇！啲貓成日去果間好似儲物房咁既地方，好怕羞唔出黎玩，唯有
上到去見到地方幾大，唔係坐地下既，有好多張檯空間好大，本menu成本貓貓既寫真咁😂睇黎主角係果隻禮服貓叫做小小，佢個樣好cool！雖然呢度唔係逐個鐘計，話曬係旺角區總要有低消，午餐 & 下午茶低消一杯飲品，晚飯時段只係低消$60，非常合理！一開始就比岩漿吐司吸引左，不過要忍住先！
我地叫左一個意粉，一個燴飯，分別係西西里汁虎蝦仁煮意粉同小龍蝦拿破崙燴飯，呢2碟一黎到，我地都望到呆左，又估唔到幾靚喎，份量仲要唔少！好香呀！虎蝦仁好彈牙，意粉係扁意粉，索曬西西里汁，意粉又煮到啱啱好！
燴飯入面既小龍蝦都唔錯，有好多隻，唔使剝殻啖啖肉😋燴飯上面仲輕微燒過，加左翠肉瓜令個飯有啲口感，個飯好多，男仔食都夠飽！
野飲我地飲挪威森林貓 & 俄羅斯藍貓，俄羅斯藍貓好吸睛，成杯野藍色係藍石榴，挪威森林貓就係抺茶牛奶上面一大堆忌廉，好邪惡但我鐘意😆奶味好重，如有抺茶味再濃啲就更好喇！不過都好滿足！
輪到貓仔喇！啲貓成日去果間好似儲物房咁既地方，好怕羞唔出黎玩，唯有入去果間房睇下佢，小小成日入去玻璃櫥窗，好似其中一件貨品咁，一副臭臉咁望你地班人類哈哈！
可能貓貓一日要訓16-18個鐘，我地係度3個鐘佢地都係訓，訓同訓！有2隻貓訓係窗台高處，有2隻訓係門口附近既竇，無得同佢地玩！
最後我地一路玩board game一路食甜品，係抺茶雪糕杯，好大杯呀！有粒冷凍士多啤梨，咬落去好爽！好多配料有棉花糖、粟米片、曲奇餅、彩色糖針、忌廉，好正！2人share先食得曬！同埋呢度原來有好多board game玩架！
我自己好鐘意貓貓，會去唔同既貓cafe，最希望同好多貓玩之餘又坐得舒服而且食物又好食，香港既貓cafe都做到頭2點但食物往往質素一般，呢間既食物暫時係我係香港去過而覺得最好食！如果呢度多啲貓貓，又肯親近客人就完美了！或者叫呢度''貓主題餐廳''就最貼切形容！
張貼
