影片
更多
2015-10-13
345 瀏覽
排骨飯有大埔林記、新明發手屈一指。依家多左銅鑼灣曉廚雞飯可以同佢地爭一日之長短！Lucky 呀，見到師傅剛剛蒸起盅頭飯，新鮮出爐煙霧彌漫呢！款款都好靚仔，發晒光、閃令令、香噴噴！一心黎食排骨飯，食左您先。推出左新燉湯套餐喎，蒸飯加燉湯只係 $48，抵食夾大件！原盅淮山杞子蟲草花燉雞湯，無敵既紫砂燉盅，能夠保持食材原汁原味，一點一滴既精華絕對唔會流失。熱辣辣香噴噴，倒落隻碗度先慢慢品嚐。湯汁清徹香甜，特濃雞湯味散發著淮山杞子既清甜。越飲越想飲，等唔切用匙羹續小續小飲喇，一下子大大啖豪爽地飲先夠𣈱快，拿起隻碗清左去啦。估唔到份量足足有兩碗呢，飲完全身興烚烚，暖笠笠大滿足。豉椒蒸鳳爪排骨飯，食左曉廚咁耐，依次超水準表現！開心死。賣相靚仔唔在講，新鮮出爐肉香撲面，點忍得唔食您落肚呢。色澤鮮豔濕潤立立令，淋上甜豉油點綴一番更加吸引。索一索濃郁排骨香味夾雜清香豉油味，口水直流。因為無油紙供應作墊枱用，油紙可以吸走多餘水蒸氣及油份，可以令飯同肉更加乾爽。無油紙的話，我喜歡畢落個碗度食，方便將豉油跟飯撈得更均勻，每一粒飯都要沾上豉油呢。原盅排骨跟飯一齊蒸熟，排骨既精華、肉汁已完全滲進飯粒之中。係碗度大
排骨飯有大埔林記、新明發手屈一指。依家多左銅鑼灣曉廚雞飯可以同佢地爭一日之長短！Lucky 呀，見到師傅剛剛蒸起盅頭飯，新鮮出爐煙霧彌漫呢！款款都好靚仔，發晒光、閃令令、香噴噴！一心黎食排骨飯，食左您先。推出左新燉湯套餐喎，蒸飯加燉湯只係 $48，抵食夾大件！
原盅淮山杞子蟲草花燉雞湯，無敵既紫砂燉盅，能夠保持食材原汁原味，一點一滴既精華絕對唔會流失。熱辣辣香噴噴，倒落隻碗度先慢慢品嚐。湯汁清徹香甜，特濃雞湯味散發著淮山杞子既清甜。越飲越想飲，等唔切用匙羹續小續小飲喇，一下子大大啖豪爽地飲先夠𣈱快，拿起隻碗清左去啦。估唔到份量足足有兩碗呢，飲完全身興烚烚，暖笠笠大滿足。
豉椒蒸鳳爪排骨飯，食左曉廚咁耐，依次超水準表現！開心死。賣相靚仔唔在講，新鮮出爐肉香撲面，點忍得唔食您落肚呢。色澤鮮豔濕潤立立令，淋上甜豉油點綴一番更加吸引。
索一索濃郁排骨香味夾雜清香豉油味，口水直流。因為無油紙供應作墊枱用，油紙可以吸走多餘水蒸氣及油份，可以令飯同肉更加乾爽。無油紙的話，我喜歡畢落個碗度食，方便將豉油跟飯撈得更均勻，每一粒飯都要沾上豉油呢。
原盅排骨跟飯一齊蒸熟，排骨既精華、肉汁已完全滲進飯粒之中。係碗度大力跟排骨、豆豉、紅椒、豉油兜混，立即一大羹肉連飯送入口，電極一般既感覺喚醒舌頭上每顆味蕾！排骨軟棉多汁，充滿彈性美味極致，再被飽滿嚥韌既飯粒重重包住，加上豉椒獨特香味帶微辣，惹味非常！一擊必殺，從未如此好味過！
試完原味，排骨又食晒，係時候加曉廚獨門香辣辣椒油撈飯喇！既香且辣，仲有點 XO 醬既影子添，越食越開胃，三爬兩撥已完全纖滅！太美味搞到唔夠飽添，我想食多碗呢！唔係講笑，唔好比佢停，好事成雙，食多碗先！
北菇蒸雞球飯，無骨雞柳啖啖肉，見到都興奮呀！嘩，外觀堅係靚到金光閃閃，白雪雪雞柳泛著肉汁，即刻想衝前咬翻幾啖啦！濃郁雞香味由鼻孔直衝腦袋，原盅雞柳跟飯一齊蒸熟，原汁原味被飯粒吸收晒，直頭係雞油飯呢！
Step by step，依舊先淋豉油，再畢落隻碗度醬雞肉、飯粒、豉油都撈得完全均勻。開動！一啖食左件北菇先，高質菇味濃，又爽又甜又滑又多汁，一件必定唔夠喉。
隨後一大羹飯再放一大舊雞一啖過，將整個口塞得滿滿的。巨形雞柳香甜無比，醃得入味醒胃，雞味特濃，質地滑溜，每一口都爆出肉汁，juicy juicy！大滿足，感覺震撼。配上乾爽嚥韌飯粒，泛著豉油清香，有無咁好食呀？不得了，真係可能係全香港最好食既蒸雞飯！根本停不了手，大啖大啖地狼吞虎嚥，太好食。最後剩低少少飯，撈大量辣椒渣食埋去，刺激、好味、開胃，必試！
兩飯一湯，第一次叫兩個飯而一個點心都無食，不過好滿足又好開心，好好食！價廉物美，物超所值！好快會再黎嘆過，正！
張貼
