回到味來 (已結業)

食盡各大雞煲、火鍋嘅小編， 知道油麻地開左間集雞煲、海鮮、火鍋於一身嘅私房菜— 「回到味來」， 梗係要黎試下啦！😏 餐廳裝潢較傳統火鍋店時尚， 大部分都係卡座位，坐得舒適。 未叫火鍋之前， 先上個自家製涼菜—酸辣藕帶， 藕帶中間嘅細孔，滿滿浸潤汁液， 一口咬下去，酸辣香甜，清爽脆嫩，好開胃！😌 打邊爐先混個醬， 基本嘅生蒜、炸蒜、香蔥、芫荽、唐芹、辣椒🌶️都有。 雖然見好多食客都黎食招牌麻辣雞煲， 不過其實仲有多款火鍋可選擇， 黎得呢到，梗係要試下藥膳湯底結合出黎嘅火鍋啦！😏 招牌藥膳紅燒牛肉（$168） 用上當歸、杜仲、川芎、枸杞等的藥材， 香濃而不油，沒有半點苦澀味， 配上特選牛肋條，炆煮至腍身，吸晒湯汁嘅精華， 無諗過味道竟然可以咁夾，真係好好食喎！😋 而且份量超多， 兩個人食嘅話，叫多兩三個配料就夠啦！😏 火鍋配料多樣化， 肉類、海產、蔬菜、丸類、餃子、粉麵等樣樣齊。 手工餃拼盤（$46） 賣相非常精緻餃子， 用酒樽造型嘅器皿盛載着， 未食已經覺得好吸引～😍 菜肉餃， 韭菜餃，鮮蝦雲吞， 一睇就知皮薄餡靚， 從薄薄的外皮已經見到嫩綠色的韭菜係飽滿的餃子裡面，正！👍🏾