巧手製作

營業中

休息中

好耐無試過買外賣返公司食喇，星期六兩個努力工作嘅人唔想出去等位影響收工時間，所以決定食呢間有肉夾饃同其他點心嘅外賣店。呢間外賣點心店都係唐記包點嘅集團，點心類嘅味都係差唔多，飯類就多咗選擇，另外仲有腸份，味道都可以。兩個人每人幾十蚊都幾飽。飯，點心，飲品有套餐。可能係世界上最早嘅中式漢堡包，生薑燒豚肉肉夾饃，同西式好唔同，包比較無咁乾，有咁上下厚度，口感紮實啲，又唔會吸晒中間嘅汁變到淋晒，幾好味。鵪鶉蛋燒賣，呢個一般，我覺得傳統燒賣好食啲。雞紥，呢個都係一般，可能擺得耐，腐皮乾乾哋，有啲細件。翡翠鮮蝦腸，當然無得同布拉腸粉比，無嗰種軟滑，但都算唔錯，蝦都幾多，腸粉又唔會太厚粉，豉油就唔記得比。糯米雞嘅賣相有啲差，有隻雞翼，冬菇，鹹蛋黃同碎肉醬，唔錯。鳳爪排骨飯，好耐無食過，好似比唐記好，餸多啲，飯無咁硬，幾好吖。