苑記粉麵茶餐廳

營業中

休息中

大埔可以食煲仔飯嘅地方唔多，陳漢記轉手之後無食過，魚滑又無埋，而家多數都係食苑記。如果唔係食煲仔飯，平時真係宵夜時間先會考慮苑記。純粹因為苑記開得比較夜同埋方便又幾好食咁啫，時間尚早嘅話可以食下其他嘢。 🍲臘鴨髀白鱔煲仔飯🍚唔知幾時開始食煲仔飯就必叫臘鴨髀，之後再拼其他野，多數係免牛，拼白鱔都係第一次。臘鴨髀同白鱔嘅油香滲落白飯，豉油都可以落少啲。 另外加碟爽滑魚皮，重點係要配埋辣椒豉油（加少少薑絲同蔥）同啤酒。 我唔明點解有人會話煲仔飯無飯焦，我每次食都有，可能佢唔好彩啦。