湖舟壽司‧小料理 (已結業)

<KO米芝蓮> (一)一直都見到湖舟既好評語, 但係偏偏搵唔到機會, 岩岩之前出左本米芝蓮又有介紹佢喎, 攪到我心血來潮想KO晒本書裡面全部介紹既食肆, 裡面有0的已經晌書未出之前KO左...所以之後就會有未食過既....星期六差唔多近兩點先去到...一入到就就講定兩點半LAST ORDER, 三點閂門....無所謂~反正唔需要話食好耐既....我叫左一個三色DON, 要左碎吞拿魚, 海膽同埋三文魚....其實我係近呢一年先開始食海膽, 因為我好耐之前曾經食過好腥既, 所以一直認為佢唔好食, 但係有一次我再願意去嘗試佢既時候就發現出乎意料既鮮甜...可惜今次又令我記返起上次海膽好難食既腥味....坦白講, 真係唔得.....我以為係個別一塊係咁, 所以食多一塊, 就算我食多幾啖飯都蓋唔到果種腥味, 結果其餘既我都無食到......真係好失望~因為一心想食鮮味既海膽...相反碎吞魚我第一次食, 唔錯幾好味....三文魚就一般呢........其實我見隔離檯有個女仔都係食呢個飯...佢有食晒0的海膽....~_~"..或者我咁岩唔好彩掛...不過要讚果個茶碗蒸...真係好滑