影片
更多
2023-11-13
766 瀏覽
自己身兼數職，除咗睇風水批命之外，最多人搵我就係攪鋁窗驗窗防水工程，今次哩個客算係咁喇，未收驗窗令但係D窗有問題都主動話要維修!唔只一次，經常聽人講，什麼驗窗驗樓哂Q氣，我眼見係，D鋁窗已經螺絲生锈甚至螺絲唔齊，狀況危險! 唔理! 唔整! 有錢攪令自己外表都唔攞錢攪吓D危險窗! 每次行過哩D單位我必定向上望! 所以深深明白點解政府要驗窗!你估政府好想理你地D窗咩!哩個客屋企係小西灣，女友小熊知道之後就安排好出差路線，約埋一齊係小西灣收工.攪掂完鋁窗之後，小熊話坐係餐廳等緊我，餐廳名叫梁社漢.初初唔明點解去梁社漢開餐，去到開餐就明白.我地點咗客招牌酥炸排骨湯麵，台式滷水雞翼飯，香酥甜不辣，飲品叫咗檸茶同燒仙草奶茶.小熊同我去過台灣，佢話哩間餐廳有兩款味道同台灣當地嘅味道一模一樣! 第一係炸排骨湯麵嘅湯底，我同小熊曾經去過台東一間小麵店，湯底正正就係哩個味道! 即係感覺身處台東!排骨麵湯底清甜，麵條口感比較冧，係自己中意口感，炸排骨即係炸豬扒，外脆內軟豬肉 Juicy，雖然唔係厚切，但厚過不少薄依依嘅炸豬扒!檸檬茶係第二個嘅正宗台灣味，完全無澀味，只有紅茶同檸檬味，小熊知道我係台灣追飲當地
唔只一次，經常聽人講，什麼驗窗驗樓哂Q氣，我眼見係，D鋁窗已經螺絲生锈甚至螺絲唔齊，狀況危險! 唔理! 唔整! 有錢攪令自己外表都唔攞錢攪吓D危險窗! 每次行過哩D單位我必定向上望! 所以深深明白點解政府要驗窗!
你估政府好想理你地D窗咩!
哩個客屋企係小西灣，女友小熊知道之後就安排好出差路線，約埋一齊係小西灣收工.
攪掂完鋁窗之後，小熊話坐係餐廳等緊我，餐廳名叫梁社漢.
初初唔明點解去梁社漢開餐，去到開餐就明白.
我地點咗客招牌酥炸排骨湯麵，台式滷水雞翼飯，香酥甜不辣，飲品叫咗檸茶同燒仙草奶茶.
小熊同我去過台灣，佢話哩間餐廳有兩款味道同台灣當地嘅味道一模一樣! 第一係炸排骨湯麵嘅湯底，我同小熊曾經去過台東一間小麵店，湯底正正就係哩個味道! 即係感覺身處台東!
排骨麵湯底清甜，麵條口感比較冧，係自己中意口感，炸排骨即係炸豬扒，外脆內軟豬肉 Juicy，雖然唔係厚切，但厚過不少薄依依嘅炸豬扒!
檸檬茶係第二個嘅正宗台灣味，完全無澀味，只有紅茶同檸檬味，小熊知道我係台灣追飲當地檸檬茶，所以叫我嚟梁社漢幫襯.
滷水雞翼同香港有分別，香港D滷水雞翼比較偏甜，但梁社漢嘅滷水雞翼偏滷水鹹鮮，雞翼份量絕對大隻過家鄉雞! 所以拒絕再幫襯家鄉雞多時.
小熊問我鋁窗生意傾成點，哩吓仲攪笑! 客人俾完訂金無耐，個女同佢老公就沖返屋企，當我離開一閂門就聽到個女大大聲鬧爆個老豆，又話洗鬼嘥哩D錢又話貴又話叫住佢返嚟先俾訂又唔聽! 兩父女嘈到我係大堂等𨋢都聽得清清楚楚!
唉.... 知道點解政府要驗窗啦!
張貼
