8鍋臭臭鍋 (金巴利道) (已結業)

打邊爐真係無分季節，今次就黎到主打台式一人火鍋嘅8鍋臭臭鍋開餐～🍗鹽酥雞$42調味唔會太重手，炸得都夠酥脆，一件一口，整體合格有餘。🥘沙茶牛肉鍋$88 🥤餐飲轉珍珠奶茶+$12🥟蛋餃$35沙茶湯底本身都夠味，如果想再重口味啲呢度都有沙茶醬、豆瓣醬、辣椒醬、生蒜俾你蘸，火鍋料本身已有十幾款，主角牛肉肥瘦適中唔會鞋口，仲有平時比較少食到嘅米血糕，口感軟糯幾過癮，而熟我嘅都知我好鐘意食蛋餃，見到有又忍唔住加左碟，蛋皮軟綿綿，索晒湯底精華真係無得頂👍🏻另外珍珠奶茶都比想像中好，珍珠Q彈幾好𡁻，奶茶亦唔會淡茂茂。