影片
更多
2023-01-12
1191 瀏覽
2023年1月10日 星期二又到左新一年，希望可以嘗試多啲新嘅餐廳，食多啲美食，而今日早左收工，就去左西灣河食下午茶雖然知道太安樓有好多美食，不過今日就想試吓食台灣嘢，所以就嚟左幸福鍋，之前都曾經嚟過食lunch，性價比唔錯，所以又再嚟食下午茶入到去坐低睇返餐牌發現午市餐牌同下午茶餐牌完全唔同，多咗好多小食，而且睇圖片賣相仲好吸引添，價錢唔算太貴，包埋飲品，最後我要咗兩款小食，再加錢升級要台式甜品等左大約10分鐘左右，食物就開始陸續送到，首先嚟嘅係古早芋泥肉鬆蛋餅，果然同餐牌上嘅圖片一樣精緻，蛋餅唔係金黃色，食落去好煙韌，有咬口，而且裏面有好多肉鬆同芋泥，味道唔算太甜，感覺好滿足，啱晒鍾意食芋泥嘅朋友之後當然唔少得有台灣嘅出名小食，士林鹽酥雞，每一舊雞塊都好大粒，而且炸得好香脆，但係裏面嘅雞肉仍然保持嫩滑，仲有外面加上調味粉，食落去更加惹味最後我專登升級要咗個台式甜品，黑糖昌球三色芋圓，因為好耐冇食過芋圓，所以突然間好想食，每一啖都食到好多配料，分別有三色芋圓、仙草、昌球等等，芋圓整得好煙韌，食到有芋頭嘅香，昌球本身就冇味嘅，所以餐廳加上咗黑糖，令到整體味道更加香甜，但係又唔會過甜，整
又到左新一年，希望可以嘗試多啲新嘅餐廳，食多啲美食，而今日早左收工，就去左西灣河食下午茶
雖然知道太安樓有好多美食，不過今日就想試吓食台灣嘢，所以就嚟左幸福鍋，之前都曾經嚟過食lunch，性價比唔錯，所以又再嚟食下午茶
入到去坐低睇返餐牌發現午市餐牌同下午茶餐牌完全唔同，多咗好多小食，而且睇圖片賣相仲好吸引添，價錢唔算太貴，包埋飲品，最後我要咗兩款小食，再加錢升級要台式甜品
等左大約10分鐘左右，食物就開始陸續送到，首先嚟嘅係古早芋泥肉鬆蛋餅，果然同餐牌上嘅圖片一樣精緻，蛋餅唔係金黃色，食落去好煙韌，有咬口，而且裏面有好多肉鬆同芋泥，味道唔算太甜，感覺好滿足，啱晒鍾意食芋泥嘅朋友
之後當然唔少得有台灣嘅出名小食，士林鹽酥雞，每一舊雞塊都好大粒，而且炸得好香脆，但係裏面嘅雞肉仍然保持嫩滑，仲有外面加上調味粉，食落去更加惹味
最後我專登升級要咗個台式甜品，黑糖昌球三色芋圓，因為好耐冇食過芋圓，所以突然間好想食，每一啖都食到好多配料，分別有三色芋圓、仙草、昌球等等，芋圓整得好煙韌，食到有芋頭嘅香，昌球本身就冇味嘅，所以餐廳加上咗黑糖，令到整體味道更加香甜，但係又唔會過甜，整體感覺好唔錯
食咗咁多嘢加埋都唔使$100 ，個肚已經飽曬，晚餐都可能唔洗食
張貼
