牛大人台灣火鍋吃到飽 (銅鑼灣廣場二期)

營業中

休息中

今日約咗好耐冇見嘅朋友喺銅鑼灣食飯，諗唔到食咩，於是就排隊攞飛去食牛大人。我哋大概六點去到，職員已經同我哋講冇位要攞飛，之後八點再返返嚟，我哋於是就係周圍行咗一陣8:00準時返到 去。入邊嘅地方都唔算好大，但又迫咗好多張台，所以坐得有啲迫夾。係食物方面，牛大人都依然係咁多選擇，就算唔使揀好貴嘅套餐，出邊雪櫃都有好多款唔同嘅蔬菜、丸、飲品等等俾我哋揀。我最推薦係佢哋嘅餃子，有別一般嘅形狀，佢哋嘅蝦餃、蛋餃都係比較細粒嘅，放咗入去煮一陣就熟。而且味道都好有鮮味，而且口感都好彈耳，非常之推薦。整體而言，牛大人嘅質素都幾高，想打邊爐嘅話，都可以一戰。