百芳池上便當 (灣景中心大廈)

營業中

休息中

今日星期一冇帶飯，在公司樓下平台的池上百芳買便當， 這間算是呢帶的人氣之選，到咗午飯時間很多人排隊。 我叫左一個新出品的慢滷豬手便當套餐加十幾蚊 有杯黑糖珍珠奶。之前食過一次質素吾錯， 貪佢多菜夠均衡營養，除咗飯還有粟米粒，高麗菜和粉絲，加了少少醬汁，濕濕地易入口。因為前日行山想補充一下骨膠原，所以揀咗豬手， 經過慢煮炆得十分淋好入味， 有肉食， 完全不會得塊皮 也不會太肥膩。 而杯黑糖珍珠， 個人覺得甜了一點點 ，而珍珠十分煙韌，大大杯份量十足。食完個lunch，足足飽了一整天。