台北巷弄 (已結業)

🔸台式排骨便當 $60🔸仙草凍奶茶 +$10🔸醬油雞翼 +$13-台灣癮起買返個便當晚餐，當自己去咗台灣食台鐵便當😢呢間便當晚餐好抵食，由$50至$70不等，我就揀咗中間價位嘅台式排骨便當。便當嘅排骨好大塊，而且會同飯分開另上，唔會將啲油痴晒落碗飯度，幾細心。而且飯並唔係普通白飯咁hea，仲有啲滷肉同滷汁，同埋少少配菜同溏心蛋，台灣味濃厚。便當晚餐仲送多碗湯，白菜同木耳絲都有，一啲都唔hea啊。一場嚟到緊係叫埋小食，加$13就有兩隻雞翼，再加埋杯手搖，充分咁體驗咗台式便當全餐好滿足啊！