湯•米 (已易手) 新餐廳

之前成日聽人講台灣臭臭鍋，今晚終於可以試到lu，餐廳裝修簡約舒適。🥢招牌臭臭鍋 $108有臭豆腐、牛肉、鴨血、米血糕、滷豆腐、鵪鶉蛋，香氣撲鼻。湯底以沙茶醬、台式豆瓣醬、豬骨湯煲成，味道濃郁。🥢泰式海鮮鍋 $112有虎蝦、青口、魚皮，粟米、豆腐等，味道酸酸辣辣，酸味較重一點，配埋粉絲索哂湯汁，好惹味。🥢酥炸花枝墨魚丸（六粒）$36花枝丸夠哂彈牙，且墨魚味香，好滿足既小食。🥢柚子蜜雞翼 $26稍為有D炸過喉，食落好乾，配柚子蜜幾開胃。🍹芝士桃桃（微糖）好大杯，桃味十足，上層既芝士味道有點似白兔糖。🍹水果綠妍（微糖）少冰雙倍奶蓋水果有橙、西柚、百香果等，感覺新鮮，但茶底較淡。