燈籠滷味 (登龍街) (已結業)

去到登龍街諗住搵嘢食，聽聞話燈籠滷味好出名，見到門口都要排一陣隊，諗住試一試。個形式就係好似車仔麵咁樣，有好多款唔同嘅送俾你選擇，咁就最後用一個大碗撈起佢。我面底選擇左稻庭烏冬，牛展，鵪鶉蛋，鴨血，叫咗個fusion版嘅炸雞，同一杯檸檬特飲。個滷味烏冬味道唔差，滷味入邊圍繞着啲酸菜味，唔鍾意嘅朋友可能會覺得唔好食，牛展好淋，入味，鵪鶉蛋就正常貨色。不過最有驚喜嘅就係鴨血，同呢個滷味味道好夾。個炸雞粒好新鮮，唔係炸定返炸咋嗰啲。紫菜粉都幾得意。不過整體來講份量比較少，分量上係有啲失望