影片
更多
2022-01-17
508 瀏覽
📍滾起樓放假去咗大水管打卡影相，順便搵吓嘢食，見到上水匯開咗一間新嘅台式火鍋，其實佢有點心同埋火鍋可以選擇，不過今次因為太肚餓所以揀咗火鍋🐽今次揀咗中等價位安格斯套餐（$168）餐廳用QR code落單，好感動成餐飯都無漏單，食物選擇都算多，出面有自助區域可以拎台灣直送肉丸，或者蔬菜等等。另外響鈴都有得自己拎，估都估唔到竟然仲係脆口！飲品方面有汽水或者台灣飲品，今次試咗佢嘅洛神花茶，同埋佢嘅茉莉薄荷，桂花烏龍，洛神花茶同出邊飲嘅差唔多，個人幾推薦桂花烏龍🥰至於QR code落單，佢有任食肉類，如果牛嘅話，套餐包左牛板腱同牛肩胛，另外仲有豬同埋花雕雞件，花雕雞件幾入味！海鮮方面，有蝦同埋蜆，仲有啲鯇魚件等等，質素正常，不失禮～除咗台灣鴨血，佢仲有蛋餃都好食。最驚喜係蝦滑同墨魚滑，好爽口，另外仲有好多款揀，竟然仲有豬肉滑同埋牛肉滑，多到試唔哂😂成餐飯完咗仲有甜品可以揀，如果唔食雪糕，佢有仙草凍同埋愛玉凍，我同朋友每人叫咗一款，幾好食，愛玉同仙草質感仲係好好，另外仲有啲蘆薈同埋紅豆，滿足哂😈同場見到好多人都食佢嘅點心，希望下次可以試埋佢嘅點心🥧
放假去咗大水管打卡影相，順便搵吓嘢食，見到上水匯開咗一間新嘅台式火鍋，其實佢有點心同埋火鍋可以選擇，不過今次因為太肚餓所以揀咗火鍋🐽
今次揀咗中等價位安格斯套餐（$168）餐廳用QR code落單，好感動成餐飯都無漏單，食物選擇都算多，出面有自助區域可以拎台灣直送肉丸，或者蔬菜等等。另外響鈴都有得自己拎，估都估唔到竟然仲係脆口！飲品方面有汽水或者台灣飲品，今次試咗佢嘅洛神花茶，同埋佢嘅茉莉薄荷，桂花烏龍，洛神花茶同出邊飲嘅差唔多，個人幾推薦桂花烏龍🥰
至於QR code落單，佢有任食肉類，如果牛嘅話，套餐包左牛板腱同牛肩胛，另外仲有豬同埋花雕雞件，花雕雞件幾入味！海鮮方面，有蝦同埋蜆，仲有啲鯇魚件等等，質素正常，不失禮～除咗台灣鴨血，佢仲有蛋餃都好食。最驚喜係蝦滑同墨魚滑，好爽口，另外仲有好多款揀，竟然仲有豬肉滑同埋牛肉滑，多到試唔哂😂
成餐飯完咗仲有甜品可以揀，如果唔食雪糕，佢有仙草凍同埋愛玉凍，我同朋友每人叫咗一款，幾好食，愛玉同仙草質感仲係好好，另外仲有啲蘆薈同埋紅豆，滿足哂😈
同場見到好多人都食佢嘅點心，希望下次可以試埋佢嘅點心🥧
張貼
