老鍋台式火鍋 (京都廣場) (已結業)

見有啲涼意秋風起，又要諗食咩lunch？同同事一行幾人就決定去打邊爐🤣打邊爐最緊要就係個湯底，食台式火鍋就揀咗個老饕酸菜白肉鍋，滿滿材料嘅鍋底果然好夠味！酸菜好爽口，鍋底煲滾左之後白肉同薯粉就食得!(煲太耐唔好食㗎！)嗌左雪花肥牛，牛既雪花紋理均勻，淥一淥就食得，牛肉味又夠濃食落一啲都唔榎！丸類同餃類分別都有點，蛋餃、魚皮餃(皮薄餡正）、墨魚丸、芝士牛丸（流心芝士一咬就爆出嚟😍）同豬肉丸，款款入口彈牙同行有素食人士，另外仲加左好多蔬菜，油麥菜、娃娃菜、金菇、鮮冬菇、秋葵、冬瓜等等超豐富又健康😂，蔬菜🥬新鮮爽口🥳 索哂湯底入哂味，想唔肥都難🙈真係不得不提呢到既炸物，好有驚喜！炸魚腐、黃金炸魚皮、炸豆腐呢三樣都極速俾我哋清晒😆炸粉唔厚十分香脆又夠味！