湯•米 (已易手) 新餐廳

平時一親師奶朋友都係去福園利苑美心嗰啲飲茶，其實已經飲到厭曬，食嚟食去都係一盅兩件蝦餃燒賣鳳爪，想搵啲而家時下年青人鍾意去食嘅餐廳試下，食完又可以介紹畀個仔佢同佢啲friend去食 。上網搵到一間叫做湯米，名字特別， 原來專食台式嘅臭臭鍋，即係食動物內臟既鍋底， 環境好科幻，光猛乾淨。 店內近三分一面積都係做呢個台式水果茶bar， 吸引附近行街客入嚟買嘢飲之外，喺度食嘢嘅人都可以揸住杯水果茶慢慢傾。 芝麻醬滷水牛展冷麵， 牛展位嘅根都比較多，呢度炆得幾冧， 面底亦有香， 柔韌度十足。 台灣牛肉麵 ，牛肉麵嘅醬料好有中藥嘅味道， 感覺十分正宗台式。 酥炸花枝墨魚丸， 揸得十分香口好似台式炸雞連鎖店嘅牌子一樣，入面有淡淡墨魚肉。百香果綠妍 (少糖）