85度C (宏豐大廈)

營業中

休息中

香港地好似愈黎愈少連鎖式嘅麵包店，今日行經過土瓜灣比我見到有85°C台式嘅麵包店，d麵包大大個有包裝都幾衛生，拎起上手都幾有重量。雙重朱古力軟曲奇 $12味道都偏甜，曲奇夠軟身，鍾意食甜曲奇既應該會好鍾意，而且大大塊都幾抵食。楓糖小牛角 $15牛角包細細個食落好香楓糖味，而且牛角包有住幾香嘅牛油香。黑糖餐包 $18一袋有5個包都唔錯，個包入面有d cream都香，個包原本都幾香黑糖味，唔差。藍莓童話 $19 酥脆嘅表皮配上濃郁嘅藍莓味，食落口感幾鬆軟。個麵包勁大個，食半個都飽。順便買左幾件西餅當下午茶食下chill下，食住cake飲返杯咖啡幾好。桂花酒酿慕斯 $26 呢件原來係新口味黎，中西式嘅材料結合，內餡係桂花酒布甸配上芝士mousse。表面嘅桂花酒吉士個味道幾清新又帶有清清淡淡嘅酒香，幾清新。Tiramisu $26口感幾滑身，入面有朱古力蛋糕同埋d手指餅，入面個味有d幾香濃嘅咖啡味出黎。藍莓芝士 $22藍莓味都幾濃，芝士味都厚身，味道有藍莓香另外少少嘅酸味。黑森森瑞士卷 $24另外買左多條瑞士卷，都大條。朱古力都幾多，食落都香朱古力味。