大呷台灣 (已結業)

喺中環見完客，咁啱對面馬路就有間新嘅台式餐廳，同事話好想去試下就一齊食個early dinner！地點喺士丹利街尾，餐廳menu主打台灣麵 🍜肉燥飯🍚同特式小食，中環黎講價錢超親民而且份量多！裝潢簡潔，座住濶落舒適，一邊播住台灣歌食特別好味😋🍜干貝蔥油乾伴麵 $88一上枱已經聞倒超香蔥味嘅干麵！一大堆炸到香脆香口嘅干貝蔥油醬超級惹味！干貝煙韌有咬口，撈勻食味道啱啱好！麵質彈牙煮至適中，我自己就超鐘意！跟埋上湯，可以一啖麵一啖湯，食完都唔會口乾！麵底份量足！性價比高！🍚古早肉燥飯伴糖心蛋  $68 滿滿嘅肉燥飯嘅肉香濃多肉汁，肥瘦適中，香而不膩！每一啖飯都夠食倒滷肉！ 配飯有一隻糖心蛋，隻蛋爆汁勁香勁好味！配菜仲有雪菜，飯嘅份量都好足！唔錯！🍗鹽酥雞 $68  炸得酥脆嘅鹽酥雞 ，啖啖雞肉嫩滑有肉汁唔油膩！推介！🍹飲品 $33 點左百香果QQ ，甜度適中好多QQ好好味 玫瑰水晶洛神花 , 味道清香好啱我！