品臻 (天光道) (已結業)

在甚少有大型連鎖飲食集團進駐的土瓜灣區，區内依然食肆林立，靠得都是自身的高質素及特色吸引客人。區内爲數不多的幾閒臺式飲品甜品舖都如此，譬如品臻，除了有台式飲品及九份芋圓糖水外，仲有港式小食賣，有雞蛋仔、格仔餅、鹽酥雞、魚蛋燒賣，連碗仔翅都有。這裏的職員亦不同于其他連鎖飲品店的年輕店員，都是親切有禮的叔叔嬸嬸，是充滿人情味的街坊小店。平日亦多爲附近學生幫襯，中午或放學時間人氣甚旺。店内還有兩張枱仔，堂食都可以。而本人就最欣賞這裏的九份芋圓糖水，幫襯了多次依然水準穩定。$28已經有底料及三款配料，今日底料選了黑糖仙草凍，甜度剛好，而配料方面選擇了芋圓、珍珠同埋紅豆，分量十足，但仙草凍熱量非常低，又清涼解熱，食曬整份都不會有罪惡感。芋圓同珍珠都煮的火候剛好，夠煙紉，不會過硬或痴埋一起。朋友在店員叔叔的推薦下選擇了草莓4.3特濃鮮奶($28),  果然是非常特別的一款飲品，在其他地方都沒有試過類似的飲品，是介於新鮮士多啤梨酸奶昔和拿鉄之間的口感，加上椰果，層次豐富。由於添加的是4.3%特濃鮮奶，口感非常順滑。