茶木‧台式休閒餐廳 (MOSTown) (裝修中)

約咗朋友仔喺馬鞍山行街，行街之前諗住食啲嘢先，朋友仔建議不如茶木啦，坐得都舒服。我哋就去排隊，等咗大約20分鐘左右就有位啦，叫咗兩個主食一個鹽酥雞，加杯美祿雪山。雞扒滷肉飯味道唔錯，墨汁意粉就差啲，可能始終係台式食物建議大家都係叫返滷肉飯炸雞扒之類，份量適中。可能鹽酥雞製作需時所以我哋食晒之後先來。同埋午餐時間客人比較多，叫咗第二次侍應先至攞幾杯水，但係值得一讚，佢都會問吓想要幾多杯？跟住之後都好快送上。