燈籠滷味 T.P.E. (M88) (已結業)

今日和同事去中環辦公事，完成已經接近午餐時段，中環食晏一定人多，各食店都要等位，同事提議買外賣回公司食，剛好見有間叫燈籠滷味，是一間在台灣好出名嘅人氣夜市食店，餐牌上的套餐都好啱食，一於買外賣回公司食。我要咗個F餐：阿嬤古法滷雞翅膀便當，滷水雞翼用滷湯浸煮兩小時，肉質軟嫩入味，配搭滷水日本雞蛋、麻油冬粉和滷肉飯，很有台灣便當風味。同事揀咗A餐配手工烏龍麵，材料配搭都好豐富，有牛筋肉、大腸、甜不辣、炸豆腐和西蘭花。牛筋肉有肉香味，大腸清洗乾淨冇異味，有口感唔會靭。甜不辣等所有配菜都滷得好入味。烏龍麵吸收左滷汁，既滑又惹味！小食鹽酥雞係即叫即炸，拎到返公司重暖，外層都有脆口感，雞肉亦鮮嫩。地瓜條就林左一啲，但味道甜甜的，都好食！每款餐都送熱冬瓜茶，茶味濃，甜度適中！