一葉台灣料理

營業中

休息中

鰂魚涌多小店就大家都知，但呢間餐廳嘅位置真係一啲都唔起眼，周圍都係車房，唔係朋友識路嚟都唔會食到。雖然係台灣料理，但見到manu好多都係同上海菜好相近嘅餸，好期待。大大碗熱辣辣台式酸辣湯！有少少似碗仔翅嘅感覺，但就有好多配菜，又唔會太辣，非常開胃。真係出晒煙架！事前對呢個蔥油秋葵松板肉無咩期待，但非常有驚喜。秋葵爽口，而松板肉好鬆軟，兩者夾得好好。台式炒合菜就比較似香港嘅住家餸~老闆娘更加誠意推介我地試下阿里山高山冷泡茶，果然啲茶幾香，再沖多一次都非常濃。