阿佳拌麵

營業中

休息中

每次去葵涌廣場第一時間都會先上三樓既美食天堂，掃平貨之餘當然要醫飽個肚先啦，咁先有氣力shopping。平時我都會食碗酸辣粉，但今次試下新野，係三樓吉野家隔離就有間台灣小食店「阿佳拌麵」，佢地有七款拌麵，四款夜市小食可選擇，今次我選擇左鹽水雞拌麵，沙茶醬汁。鹽水雞本身有少少咸味，撈埋醬汁一齊食好惹味，油麵質地煮到剛剛好軟硬適中，鹵豆腐口感好驚喜，唔似一般豆腐咁軟淋淋喎，好彈牙似食緊魚蛋咁，全部撈埋一齊食，口感好豐富，配菜仲有酸蘿蔔好爽脆。