老厝邊

營業中

休息中

今日去開銅鑼灣搵嘢食，見到有間老厝邊食台灣野，睇落都幾抵食，而且都幾爆場，前面都有兩三pair人排隊，於是決定試試佢。野食都有好多選擇，麵、飯、小食、台式茶飲都一應俱全。我叫左大腸麵線，都幾多大腸，而且滷水汁都幾惹味，而麵線都唔會過腍，麵多過湯，唔錯。主菜叫左鹽酥雞滷肉大碗飯，相當足料！鹽酥雞炸得夠脆，而滷肉都炆得好入味，另外仲有青菜、芽菜、粟米等配菜，都幾豐富。朋友叫左炸雞排生茶醬湯麵，生茶湯底好濃郁，而炸雞排勁大塊，最估唔到肉質好嫩滑，麵就係粗蛋麵，類似油麵，都幾掛湯。台式飲品有好多款，試左熟成奶茶，茶味幾酵厚幾特別。