洪師父牛肉麵 (已結業)

兩點幾，見唔使等位，立即坐底，仲有卡位可以選擇。叫左推介既紅燒牛肉麵同埋牛三寶麵，仲有娃娃菜，試下台灣餃子，可惜無炸甜地瓜😭😭。牛三寶，老老實實，牛肉係好有咬口，唔係好冧果隻質地，牛肚就真係無乜味，有啲失望，牛根好冧不過無驚喜，反而個湯底真係真係好正好正好鬼正👏👏，唔係好濃既湯，好清，可以當湯水咁飲，飲完仲要一啲口渴既感覺都無，即係無味精，湯係值得讚！👍👍牛油辣椒油就一啲都唔似辣椒油，唔好食，反而酸菜同蔥花，我建議大家飲幾啖湯先，之後先加入碗麵再食，咁就可以試清楚個湯底。個娃娃菜，好清淡，一定要配個肉燥食，好唔好食就見人見智，不過，唔食得辣，就唔好食啲紅辣椒，真係幾辣。綜合餃子有兩種味道，有粟米鮮肉水餃同高麗菜鮮肉水餃，味道係... 淡而無味，可以唔使試。綜合，食牛肉或各款麵都👌，大家可以試真個湯底，但其他小食類就可以免了。