刈Bao台式創意小食 (已結業)

武漢肺炎肆虐至今，葵涌廣場可謂其中一個重災區，由於學校停課，少咗學生幫襯 ，成個場水盡鵝飛，唔少黃店告急。早排行完城門水塘，專登過去一連幫襯咗幾間，略盡綿力。其中呢間係食台式小食，既然以刈包掛帥，當然要試下呢個招牌菜。我哋叫咗最傳統嘅古早味腩肉刈包，材料有腩肉，花生碎，菜脯，生菜絲，酸蘿蔔，芫茜等，味道同口感都好豐富，不過唔知係咪要迎合香港人嘅口味，塊腩肉略嫌唔係好夠肥，如果再肥返少少就非常正。店面有海量嘅文宣同澎湃到就快遮住個招牌嘅連儂牆，可謂黃到發光，一路食一路欣賞，倍覺暢快。