九份•十分 (河畔花園) (已結業)

沙田無論行街定食飯都好多選擇，不過今次冇揀去市中心食飯，行遠少少嚟到河畔花園搵好嘢食今次揀咗間食台灣菜嘅餐廳呢度唔止鹽酥雞同肉燥飯，仲有好多選擇淨係飲品嘅款式都花多眼亂小食嘅種類比想像中多主食有飯同麵可以揀紅燒牛肉麵呢個麵可以揀粗幼，我鍾意有口感少少，所以揀咗粗麵湯底比較香濃，牛肉係大大條嘅份量，而且食落夠淋唔黏牙芭樂鳳梨鹽水雞呢款小食有芭樂同鳳梨，所以食落味道偏甜有果香雞肉份量好足，作為前菜係唔錯嘅選擇醉三小呢個小食我好喜歡，因為佢嘅花雕酒味好濃而且因為有冷藏過，外皮食落爽口彈牙底下有雲耳墊底，索咗酒味更好食微辣脆脆椒雞軟骨呢款食物一上檯有少少嚇親，因為見咁紅，怕會好辣，但原來紅色嘅係炸脆咗嘅紅椒皮，外表真係呃到人雞軟骨用咗台式炸雞嘅方式去整，所以食落似爽脆嘅炸雞肉台妹愛遇俾呢個好得意嘅名吸引咗，就叫咗一個試下用料豐富，食到有芋圓、珍珠、桃膠、仲有個啫喱底，Q彈口感係我好鍾意嘅口味香蕉芝麻雪糕鬆餅因為鬆餅即叫即整，所以等咗陣先有得食鬆餅即整嘅關係，食落外脆內軟佢本身味道唔算好甜，所以配搭雪糕同放咗焦糖嘅香蕉，味道就剛剛好