斗斗滋味小廚 (嘉悅) (已結業)

雖然呢度係食台灣嘢，但係今晚同家人嚟到，只係想食幾個小菜生炒骨有水準，包住排骨嘅粉漿同醬汁食落係脆嘅，入面嘅肉醃得入味加上三色椒，洋蔥，菠蘿一齊炒勝瓜外面醮咗粉，入面食落口感好奇怪，似係食緊空心嘅棉花，唔似平時食開咁juicy牛肉片嫩滑，加埋雲耳一齊炒，有少少香味，但都係清淡之選雲吞雞入面嘅雲吞係用好多加工肉去包成個餡，個人唔太喜歡雞就有足足半隻，同娃娃菜一齊煲，湯飲落都幾甜啲蜆幾大隻，蛋白都好多不過食落有啲沙，清洗吐沙唔夠乾淨蜆肉有鮮味，蛋都蒸得滑溜，算係不過不失啦