犇之食堂 (已結業)

今晚特登同朋友去銅鑼灣嘅犇之食堂食晚飯，估唔到佢仲同角落生物乘聯，餐廳佈置到檯面嘅檯紙都係角落生物，好得意。  凍珍珠奶茶 ($35) 珍奶真係我台式飲品之中嘅favour。呢間餐廳嘅珍奶都好好飲，珍珠煮得好淋。 師大香酥排骨蔥油拌麵 ($88) 豬扒醃得好入味，而且煎得岩岩好，食落好juicy。蔥油拌麵都岩岩好，好有油香，但又唔會太油。 大大雞排魯肉飯 ($98) 呢個雞扒魯肉飯都同樣出色，雞扒用鹽酥方法處理，但炸完之後雞肉仲可以保持嫩滑，而魯肉飯都好香魯肉味。 呢餐飯我同朋友都好滿意，有機會會再黎試佢其他食物同飲品。