Mak Mak (已結業)

平時經過見到入邊啲裝修幾靚，滿心期待入去食，點咗個菠蘿炒飯，結果嚟到簡直係地獄級！完全中伏！係我食過最難食嘅泰國餐廳！首先第一啖已經食到成口鹽，好明顯碟飯根本冇炒勻！啲飯仲要削啤啤！完全冇味嘅！咁都係其次，仲要得嗰兩隻蝦，就收客人$158 +1，好老實講，我去茶餐廳叫兩個餐加埋嘢飲先係140幾蚊，仲要個味道好過佢勁多！結果跌飯我食咗一半都冇就食唔落啦，完全浪費咗我$158 +1，又貴又難食！強烈建議各位千祈千祈唔好中伏！呢間嘢真心難食，建議各位千祈唔好再嚟呢度中伏！！