海南少爺 (已結業)

💡嘆住海景食新加坡菜海南少爺係一間以星馬菜為題嘅餐廳，裝修好致，今次仲好好彩可以坐到窗口位，可以望住維港，下午時間仲有陽光滲透入黎，好舒服，一邊食住野，一邊望下海景，漫活一下。🍽海南雞飯拼喇沙米線🐔話明係招牌菜，點可以唔試下招牌海南雞飯，用左百日三黃雞，加左$8轉咗雞髀肉，雞肉結實有肉感，雞皮滑溜得黎非常嫩滑，完全唔會鞋口。沾上三色醬甜豉油、薑蓉、酸辣醬，味道更豐富。油飯粒粒分明，淡淡香茅味。配埋喇沙米線，有蛋、蝦等，好滿足😋🍽椰香海鮮喇沙🦐就咁聞個喇沙已經好香椰香味，配料非常豐富， 有大蝦🦐、豆卜、芽菜、魷魚圈，仲有半隻半熟流心蛋等。大蝦好彈牙，而豆卜索曬湯汁，好入味。麵底係摻摻，混合左米線同米粉，食個陣撈埋店舖秘製辣椒醬🌶️就更加惹味。🍽沙茶牛肉芥蘭🥬平時都好鍾情食沙茶牛肉，上面鋪滿曬牛肉，香濃牛肉味，牛肉好嫩，而芥蘭新鮮翠綠。🍽美綠哥斯拉口感夠曬豐富，有好多美綠係面，好香濃，又夠creamy😋