影片
更多
2023-09-26
1235 瀏覽
餐廳：Bischofia by Mood (觀塘)地址：觀塘鴻圖道19號富登中心地下1號舖觀塘工業區有間新開咗3個月嘅Cafe——Bischofia by Mood @Bischofiabymood ☕️，除咗希望大家認識多啲咖啡慢活文化之外，部份菜式仲搵咗註冊營養師同健身教練推薦，加上提供埋食物嘅營養標籤，致力提倡健康飲食🍀，將呢啲我哋平時好少留意嘅元素融入我哋生活當中Cafe特意搵咗一間Design Studio去設計餐廳嘅裝修：霧黃色嘅牆身、櫻桃木色嘅木系配搭🪵、黑色線條嘅襯托、參考植物嘅Organic Structure拼砌成餐廳每個角落嘅結構🌿、綠油油嘅植物🌴，組合成一個既悠閑自在又夠寫意嘅舒適空間🥰，無論喺度做嘢定傾偈、睇書定食飯，都可以好好咁放鬆心情去享受當下✝️尼斯吞拿魚配羽衣甘藍沙律 $138都幾豐富又大份嘅法式沙律🥗，火炙過嘅尼斯吞拿魚仿如食緊牛肉咁，陣陣黑椒芝麻同獨特吞拿魚香令人一試難忘🤤，另外有羽衣甘藍、生菜🥬、烚蛋🥚、巴馬臣芝士、紅菜頭、薯仔🥔、青瓜🥒、長豆，配上法式檸檬蜂蜜芥末油醋汁，唔知你又鍾唔鍾意呢款sauce呢？我就食慣咗無汁嘅沙律(即喺dressing
地址：觀塘鴻圖道19號富登中心地下1號舖
觀塘工業區有間新開咗3個月嘅Cafe——Bischofia by Mood @Bischofiabymood ☕️，除咗希望大家認識多啲咖啡慢活文化之外，部份菜式仲搵咗註冊營養師同健身教練推薦，加上提供埋食物嘅營養標籤，致力提倡健康飲食🍀，將呢啲我哋平時好少留意嘅元素融入我哋生活當中
Cafe特意搵咗一間Design Studio去設計餐廳嘅裝修：霧黃色嘅牆身、
櫻桃木色嘅木系配搭🪵、黑色線條嘅襯托、參考植物嘅Organic Structure拼砌成餐廳每個角落嘅結構🌿、綠油油嘅植物🌴，
組合成一個既悠閑自在又夠寫意嘅舒適空間🥰，無論喺度做嘢定傾偈、睇書定食飯，都可以好好咁放鬆心情去享受當下
✝️尼斯吞拿魚配羽衣甘藍沙律 $138
都幾豐富又大份嘅法式沙律🥗，火炙過嘅尼斯吞拿魚仿如食緊牛肉咁，
陣陣黑椒芝麻同獨特吞拿魚香令人一試難忘🤤，另外有羽衣甘藍、生菜🥬、烚蛋🥚、巴馬臣芝士、紅菜頭、薯仔🥔、青瓜🥒、長豆，
配上法式檸檬蜂蜜芥末油醋汁，唔知你又鍾唔鍾意呢款sauce呢？我就食慣咗無汁嘅沙律(即喺dressing on side)😛
✝️香煎紐西蘭牛柳配意粉 $148
看似簡單嘅意粉，食起上嚟真喺幾有驚喜😍，
先用蒜蓉同牛油炒香意粉🧈，就連伴菜嘅紫椰菜都好惹味，紐西蘭牛柳肉質細嫩好軟腍，
五成熟令牛柳食落有魚生嘅口感👍，當然唔少得每咬一啖就淺出嘅牛肉香🐮，加$30仲可以加大，啱晒大食嘅人或者成班friend一齊share
✝️Cappuccino $45
升級做Large size嘅Cappuccino，咁就可以慢慢坐慢慢嘆😌，可以揀Fruity嘅哥倫比亞同埃塞俄比亞混合咖啡豆，或者Nutty嘅巴西同危地馬拉混合豆，飲奶啡緊喺揀後者，
加上靚靚嘅透明玻璃杯，睇到咖啡、奶同泡之間嘅漸變分層，配埋簡單拉花，等我慢慢Enjoy先😙
張貼
