點心宅急便 (已結業)

今日放假, 約左媽咪跟同姪女去尖吵咀行街街.記得之前朋友介紹過尖沙咀新開左一間點心專門店, 所以順便去試下.好彩剛剛好過左食LUNCH時間, 所以人唔係好多, 我地等左一陣就可以入去食啦.因為我地得三個人, 所以都唔係叫左好多野食。不過有幾款點心都唔錯, 值得推介.菠蘿焗叉燒餐包 好多酒樓都係得叉燒餐包, 呢個改用左菠蘿包焗, 所以多左層脆面, 所以好好味. 蝦春卷好脆, 蝦都OK爽.鮑魚鮮蝦鳳眼餃  鮑魚仔細細隻幾有咬口. 蝦菜餃味道都可以, 不過包得唔夠實.  鮮蝦菜苗餃睇落去以為層皮好厚, 但食落去既感覺都可以.蝦餃王 的確係蝦餃王, 真係好大粒蝦.  流心芝麻球  好味, 煎堆仔好好食, 裡面仲係流心添. 鮑魚千層酥  呢個幾特別, 原隻鮑魚好大粒, 酥底都好脆, 呢個真係幾好食.蟹粉小籠包呢個有少少失色, 因為我怕腥, 佢又真係有D腥喎, 如果變左上海小籠包, 我會超鍾意.原來三個人真係唔可以叫咁多, 食到好飽, 不過整體黎講都OK, 價錢合理, 亦算幾好味, 希望下次可以約多D人黎, 再試埋其他點心.