家全七福 (H Zentre)

營業中

休息中

準時收工最好嘅節目，就係同朋友輕輕鬆鬆嘆番餐dinner～朋友仔今日帶我嚟呢一間位於尖沙咀嘅「家全七福」，嘆返餐傳統精緻中菜～———————————————————-燒味雙拼 （蜜汁叉燒 及 脆皮燒腩仔）睇燒味嘅質素就知道呢間中菜餐廳有幾出色～蜜汁叉燒脂肪及肉質層次分明，入口有唔同口感，再加上外層濃稠香甜嘅麥芽糖汁，超正！脆皮燒腩仔每件大細均一，皮脆肉嫩，搭配埋中式芥辣，超match！———————————————————-當紅炸子雞炸子雞好講究廚師火候控制～炸子雞嘅外皮卜卜脆，雞肉保持Juicy有彈性，口感一流～———————————————————-蔥花皮蛋圍蝦炒滑蛋呢款小菜好有家的感覺～材料有齊蝦仁、皮蛋及雞蛋，一啖食落去層次感十足，材料夠晒豐富～———————————————————-竹笙扒豆腐竹笙及豆腐營養價值十足，豆腐入口嫩滑得來充滿豆香，再加上份量十足嘅竹笙，爽脆又索汁，大愛！———————————————————-南乳炆粗齋煲呢個煲仔菜懷舊得來又夠晒火喉～真材實料，有齊腐皮、豆腐、草菇粒、木耳粉絲及西蘭花，再加入靈魂嘅南乳醬汁，味道濃郁，鹹而不膩！———————————