來多碗車仔麵 (路德圍) (已結業)

今日難得番晏，一於預早小小番荃灣食野先，有時一個人輕輕鬆鬆獨食下也不錯路德圍多食店就係人都知，一於去果度揾食，行過見到尼間新開嘅來多碗車仔麵，正咼，我最愛食車仔麵，簡簡單單，快靚正，就入去嘆番碗先價錢唔貴，而且好多種類選擇裝潢設計非常簡潔時尚，色彩鮮豔生動嘅插畫令環境增色不少設有高背卡坐，舒適之餘亦增加私隱度細看牆上關於這店的典故相當感人呢白武士好野誰人想挑戰魔鬼👹辣醬？快來吧尼個就係魔鬼👹辣醬，見到都覺辣，另外仲有秘制辣醬同蔥花自由選配，店叔叔好好人，提醒我魔鬼辣醬好辣，不要一次落太多，仲比個碟仔我分開攞，真係超窩心揀野食先，真係花多眼亂，乜都想試下，一於揀多幾款尼樣又要果樣又要姐姐好好人，計我五餸，比我每樣要小小呢！仲比左隻雞翼我最後變什錦麵，好豐富呢賣相非常吸引白蘿蔔好林好甜好入味，雞翼滷得非常入味而且大大隻，辣魚蛋夠曬旦牙有口感，仲好香㗎喱味，牛肚夠入味超爽脆，豬腸洗得非常乾淨而且好林好入味，米粉好多又夠爽滑旦牙，湯加左腩汁超濃超惹味一定要推薦嘅係辣魷魚🦑，非常爽，小小辣夠惹味，必試估唔到每樣餸都咁高質素，果然無揀錯講番個魔鬼👹辣醬先，真係勁辣勁過癮，而秘製辣醬就無咁辣而且帶甜