牛大人台灣火鍋吃到飽 (瓊華中心)

營業中

休息中

日本黑毛和牛A4+吃到飽套餐湯底選擇多達10款，我哋叫咗魚白湯三文魚豆腐鍋，奶白色嘅魚湯好鮮甜。我哋叫咗呢個套餐會贈送澳洲M9和牛牛丸同海鮮拼盤，海鮮拼盤有鮑魚、蟶子、帶子同生蠔，和牛牛丸爽口彈牙，咬落去會爆汁，可惜冇得任食。依個套餐嘅主打當然就係日本黑毛和牛A4+，淨係睇啲雪花紋就知道相當高級，食落每一口都擁有濃郁的牛肉香氣，肉質嫩而多汁入口即溶。除咗牛肉之外，仲有伊比利亞黑毛豬梅肉，被稱為豬肉界嘅和牛，肥瘦均勻肉質有彈力，口感有咬勁。熟食方面除咗鹽酥雞、台式香腸等經典夜市小食，特別推介三款鮑魚分別係古法醉鮑魚、炭燒鹽蔥鮑魚同柚子燒汁鮑魚。三款醬汁都好特別，都幾配搭爽彈嘅鮑魚。飲品方面，當然唔少得各種特色嘅台式茶飲，珍珠奶茶、白桃烏龍、鴨屎香檸檬茶等，甜品就有Movempick嘅雪糕同Kitkat Mac脆皮雪糕，千祈唔好錯過。